Es Christine Thull

Home / Team / Es Christine Thull

Geboor 1987 in Marnach (Luxemburg). Im Anschluss an e literaturwisseschaftlisches Studium an der Universität des Saarlandes nähert sich es Christine ab Ende 2012 dem Thema Medien unn Kommunikation uff unnerschiedlischsdie Art unn Weise: Uff da äähn Seit schreibt’s seitdemm an ner Promotion mit mediewissenschaftlischem Schwerpunkt, unn uff da anner Seit hollt’s als Inhaberin von Projekt Piñata in de Bereische Text unn Kommunikation Uffträäsch von klään- unn mittelständsche Unnernehme unn Institutione entgehe.

Was es Christine liebt

Ob Määrcheklassiker für Arndt 29 odder Plattekritike von sellemools für DeRalle’s BeatARTletics – es Christine liebt es, etablierte odder je nohdemm aach vergesseneTextsorte genauer unner die Lup se holle, denne ihr Eigenarte herauszearbeite und je noh Kommunikationsziel umseschreiwe unn in die Gehewart zu üwwatraahn. Solsche Texte schaffe Emotione, weil se Schbass mache unn es Spielerische in sich traahn.

Uff da anner Seit muss klar sinn, dass se net in jedem Fall funktioniere. Awwer genau das macht jo e guddie Kommunikationsstrategie aus: uuf Basis von der definiert’ Zielgrupp suche mir gemeinsam im Team die passende Mediekanäl aus unn es Christine findt die entsprechend Textform inklusive em ahngemessnem Schreibstil.

Sei Spektrum

Flexibilität is Trumpf! So unnerschiedlich die Kunne unn die se kommunizierende Projekte, so vielseidisch sinn aach die Innsatzgebiede von Texte. Es Christine entwickelt speziell zugeschnittne Konzepte unn duht die je noh Wunsch vom Kunne für de Printbereisch (Broschüre, Flyer, Kataloge) odder für die digitale Kommunikation(Social Media, Homepage) umsetze. Unn wie erfahrt die Welt dodevon? Mit ra speziell uff’s Thema unn Zielregion zugeschnittnie Pressestrategie.